الاستفتاءات

السلام عليكم عندي سؤال اذا شخص عندة يطلع ريح فقط كل مرة واني اريد اقرء قران ومااكدر بسب ريح شأسوي يعني حتلو خرج ريح واني اقرء قران لو اعيد وضوء

الجواب
يستحب قراءة القرآن الكريم وانت على وضوء وليس بواجب نعم إذا كان يريد يلمس كلمات القرآن لابد من الوضوء

سلام عليكم شنو نية صيام شهر رمضان وشنو نكول لمن نريد نفطر وشكرا

الجواب
تقول /أصوم شهر رمضان المبارك قربتا إلى الله تعالى وأما ماتقول عنده الإفطار تقول / اللهم لك صمنا وعلى رزقك افطرنا وعليك توكلنا وابتلت العروق وثبت الأجر أن شاء الله / وفي روايه أن تقتصر على هذه العبارة اللهم لك صمنا وعلى رزقك افطرنا وعليك توكلنا

السلام عليكم امي نطت لخالتي بنت عمره أربعين يوم رضعته لحد اربعين يوم وخالتي قبل كم سنه اتوفت وهسه البنت بقت عد رجل خالتي يجوز انجيبه لو تبقه عنده وعمره هسه 18

الجواب
يجوز تبقى عنده زوج خالتها لأنها ابنته الرضاعه وكذلك هي ابنت الأم الاصليه وكذلك يجوز تبقى عندها الاثنين ابنتهما

سلام عليكم... عندي والدي مسوي عملية رفع قالون وسولة المخرج مالتة بفتحة خارجية قريب صرة البطن وبيها كيس للفضلات وتخرج فضلاتة مندون ما يشعر بيها .. اريد اعرف شون حتكون صلاتة وممارساتة العبادية وشلون طريقة وضوءه شكرا الكم

الجواب
الجواب يتوضأ ويصلي لانه دائم الحدث ولايحتاج الى تجديد الوضوء من حدث البول أو الغائط نعم إذا خرج غير هذين الحدثين يحتاج الوضوء اخر

سلام عليكم اني ساكن بغداد بس وقت صلاتي و بـ رمضان اسحر و افطر على وقت كربلاء يصير لو لا يعني مو يكولون كل محافظة تختلف بس اني حتى الوقت على قناة كربلاء

الجواب
الصلاة والفطور والسحور المفروض على وقت محافظة بغداد لأن يوجد فرق بالوقت بينهما

السلام عليكم كيف حالكم ، ان شاء الله بأفضل حال. في مسألة صراحة بحثت وما لقيت لها جواب واضح في شغلة شباب كثير حولي طايحين فيها في سوق البورصة الأمريكية بدون علم بموقف الشرع منها وهي تسمى SPX options trading ، ما موقف الشرع منها ؟ وجزاكم الله خيرات الدنيا والآخرة

الجواب
سماحة السيد السيستاني دام ظله لايبدي رأي في هذه المسأله يمكن الرجوع إلى الغير من الاعلام

هل يجوز اكل حلويات من مناشئ اوربيه على سبيل المثال أوكرانيا

الجواب
إذا لم يعلم أو يطمئن باحتواء ذلك الطعام على مايحرم علينا تناوله كالخمرمثلا واللحوم والشحوم ومشتقاتها يجوز أكلها.

هل حفظ اسماء الله الحسنى واجبا

الجواب
في مفروض السؤال غير واجب

هل يمكن دفع مبلغ من المال إلى المواكب بدل شراء خروف مخصص سنوي يوزع بثواب الإمام الحسين عليه السلام

الجواب
إذا لم يكن نذر شرعي يجوز في مفروض السؤال

اني من كنت صغيره هيج بالخامس ابتدائي كنت اسرق بس ماكنت اعرف اتو حرام بس من كبرت تبت عن افعالي كوله شنو الحكم

الجواب
عليها الاستغفار مع التوبه وإذا لم تستطع الوصل إلى مالك الأموال عليها دفع رد مظالم إلى الحاكم الشرعي اووكيله

ماحكم البنت اذا دخلت بث وجاوبت عده اسئلة اوناقشت وكان البث مباشر

الجواب
إذا كان حسب الضوابط الشرعيه من الحجاب وعدم ترقيق الصوت يجوز في مفروض السؤال

اني كفرت والكفره لااراديه طلعت مني هم راح اتحاسب على هيج لأن صار كفر

الجواب
الكفر بالله والأنبياء والأئمة عليهم السلام إذا كان متعمدا عليه عقاب شديد وإذا لم يكن عمدا عليه الاستغفار وترك هذا الفعل القبيح الغير مرضي لله ورسوله والأئمة عليهم السلام